दोलखा । दोलखामा सुख्खा पहिरो खस्दा एक जनाको मृत्यु भएको छ।

दोलखाको बिगु गाउँपालिका-१ लप्ची जाने सडकमा सुख्खा पहिरो खस्दा नासा हाइड्रोमा काम गर्ने कामदारको मृत्यु भएको हो ।

अन्य दुई जना घाइते भएका छन्। उनीहरू नासा हाइड्रोका कामदार हुन्। मृतकको नाम खुल्न बाँकी छ।

पहिरो खसेपछि लामाबगरबाट लप्ची जाने बाटो अवरुद्ध भएको छ।

मौसम समेत प्रतिकुल भएका कारण हेलिकोप्टर पठाउन नसक्दा घाइतेको उद्धार हुन सकेको छैन।

घाइतेको उद्धारका लागि हेलिकोप्टर बोलाइएको छ।