एजेन्सी । पाकिस्तानसँगको दोस्रो टी–२० क्रिकेटमा न्युजिल्यान्ड विजयी भएको छ । आज भएको खेलमा न्युजिल्यान्डले पाकिस्तानलाई २१ रनले हरायो ।

न्युजिल्यान्डले दिएको १ सय ९५ रनको लक्ष्य पछ्याएको पाकिस्तान १९ ओभर ३ बलमा १ सय ७३ रनमा अल आउट भयो ।

यसअघि हेमिल्टनमा टस हारेर ब्याटिङको निम्तो पाएको न्युजिल्यान्डले २० ओभरमा ८ विकेट गुमाएर १ सय ९४ रन बनायो ।

यो जितसँगै न्युजिल्यान्डले ५ खेलको शृङ्खलामा २–० को अग्रता लिएको छ । पहिलो खेलमा न्युजिल्यान्ड ४६ रनले विजयी भएको थियो । तेस्रो खेल आउँदो बुधवार हुनेछ ।