काठमाडौं । नेपालगञ्जबाट काठमाडौं आउँदै गरेको बस दाङको भालुवाङस्थित पुलबाट राप्ती नदीमा खसेको छ। 

राप्ती नदी पार गर्ने क्रममा बस पुलबाट नदीमा खसेको हो। बस पुलबाट नदीको किनारमा खसेको प्रहरीले जनाएको छ। 

इलाका प्रहरी कार्यालयका अनुसार नेपालगञ्जबाट काठमाडौं आउँदै गरेको भे १ ख ३९१२ नम्बरको बस शुक्रबार राति १० बजेतिर राप्ती नदीमा खसेको हो। बसमा ३० देखि ३५ जना यात्रु सवार रहेका बताइएको छ।

अहिले घटनास्थलमा नेपाल प्रहरी र सशस्त्र प्रहरीको टोली पुगेर उद्धार भइरहेको छ। घटनाबारे विस्तृत विवरण आउन बाँकी छ।