काठमाडौं । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ लाई विधान मस्यौदा समितिले विधानको मस्यौदा बुझाएको छ ।

उपाध्यक्ष पम्फा भुसाल नेतृत्वको समितिले शुक्रबार अध्यक्ष तथा प्रधानमन्त्री प्रचण्डलाई विधानको मस्यौदा बुझाएको हो ।

पदाधिकारीले बैठकले विधानको मस्यौदा बनाउने जिम्मा सात नेतालाई दिएको थियो ।

उक्त समितिले केन्द्रीय समिति १५१ सदस्यीय राख्न सकिने प्रस्ताव गरेको छ । फागुनमा विधान सम्मेलन गर्ने तयारीस्वरुप माओवादीले मस्यौदा तयार गरेको बताइएको छ ।