काममाडौं । बूढानीलकण्ठबाट पक्राउ परेका रामबहादुर बम्जनलाई भेट्न पूर्वभूमिसुधार राज्यमन्त्री यशोदा लामा सीआईबी कार्यालयमा पुगेकी छन्।

पूर्वराज्यमन्त्री लामा बम्जनलाई आफूहरूले प्राइभेट गाडीमा लैजाने भन्दै महाराजगञ्जस्थित सीआईबी कार्यालय पुगेकी हुन् ।

बम्जन आफूहरूको ‘भगवान्’ रहेको भन्दै हतकडी नलाउनसमेत उनले प्रहरी अधिकारीसँग माग गरेकी छन् ।

लामा २०७४ सालमा प्रधानमन्त्री प्रचण्ड नेतृत्वको सरकारमा राज्यमन्त्री बनेकी थिइन् बम्जनलाई मंगलबार सीआईबीको टोलीले बुढानीलकण्ठबाट पक्राउ गरेको थियो ।

बम्जनलाई भेट्न बोधी श्रवण धर्म संघको नेतृत्वमा उनका अनुयायीहरु ठूलो संख्यामा सीआईबी कार्यालयमा पुगेका छन् । बलात्कार, हत्या, बेपत्ता पारेकोलगायतका आरोपमा बम्जनविरुद्ध प्रहरीमा उजुरी छ ।