सुनसरी । प्रहरीले तीन क्विन्टल गाँजासहित दुई जनालाई पक्राउ गरेको छ।

भारत तस्करी हुन लागेको तीन क्विन्टल गाँजा र दुई जनालाई सुनसरीको कोशी गाउँपालिका-६ कोशी कटानबाट प्रहरीले नियन्त्रणमा लिएको हो।

पक्राउ पर्नेमा भारतीय नागरिक अरवीन्द कुमार र कोशी गाउँपालिका ५ का मोहम्मद सागर मियाँ छन्।

को २ त ६८९० नम्बरको ट्याक्टरमा लोड गरेर भारत लैजाने क्रममा गाँजा बरामद गरिएको सुनसरी प्रहरीले जनाएको छ ।

८ वटा बोरामा राखिएको गाँजाका साना पोकाहरूमा पनि बरामद भएको छ।

ट्याक्टरमाथि बालुवा र तल गाँजा राखेर भारततिर लैजाँदै गरेको अवस्थामा प्रहरीले बरामद गरेको हो।