म्याग्दी । म्याग्दीको मालिकामा ढुंगाको छपनी प्रहार गरेर एक जना वृद्धाको हत्या भएको छ।

मालिका गाउँपालिका–७ बिमवाङकी ७० वर्षीया मनिषा गर्बुजाको हत्या भएको हो ।

दुई जनालाई चिर्पटले हानेर घाइते बनाएका छन्। ७ वर्षीया नातिनी प्रियंका गर्बुजा र छिमेकी ६६ वर्षीया अमृता जुग्जाली घाइते भएका छन्।

प्रियंका मनिषाकी नातिनी र अमृता छिमेकी हुन्। मनिषालाई छप्पनी प्रहार भएको देखेर बचाउन गएका प्रियंका र अमृतालाई चिर्पट प्रहार गरेर घाइते बनाई भागेका थिए।

घाइते दुई जनालाई दरवाङबाट हेलिकोप्टरमार्फत पोखराको मणिपाल शिक्षण अस्पताल लगिएको छ। दरवाङ प्राथमिक उपचार केन्द्रमा उपचार गरिएको थियो।

प्रियंकाको अवस्था गम्भीर रहेको छ। एक जना शंकास्पद व्यक्तिलाई नियन्त्रणमा लिइएको छ।