काठमाडौं । नेकपा (एकीकृत समाजवादी) का अध्यक्ष माधवकुमार नेपालले नेपाल भ्रमणमा रहेका भारतीय विदेशमन्त्री एस जयशंकरसँग भेटवार्ता गरेका छन् ।
विदेशमन्त्री जयशंकरसँग बिहीवार साँझ भेटवार्ता भएको हो ।
नेता नेपालले भेटमा विकास र प्रगतिका समस्या समाधानका लागि सहकार्यका संभावित क्षेत्र एवम् द्विपक्षीय हितका विविध विषयमा संक्षेपमा कुराकानी भएको जनाएका छन् ।
‘बिहीवार नेपाल भ्रमणमा रहेका भारतीय विदेशमन्त्री एस जयशंकरसँग भेटवार्ता भयो । उक्त भेटमा विकास र प्रगतिका समस्याहरू समाधानका लागि सहकार्यका संभावित क्षेत्रहरू एवम् द्विपक्षीय हितका विविध विषयमा संक्षेपमा कुराकानी भयो,’ उनले फेसबुकमा लेखेका छन् ।