अछाम । जिल्ला प्रहरी कार्यालय अछामले विशेष घुम्ति प्रशिक्षण तालिम अन्तर्गत भिड नियन्त्रण सम्बन्धी ६ दिने विशेष तालिम सुरु गरेको छ ।

तालिमको जिल्ला प्रहरी कार्यालय अछाम प्रबक्ता तथा प्रहरी निरीक्षक राजेन्द्र साउँदले बिहीबार उद्घाटन गरेका हुन् ।

पुस २५ गतेसम्म चल्ने उक्त तालिममा प्रहरी कार्यालयका प्रहरी बरिष्ठ हवल्दार, हवल्दार, प्रहरी सहायक हवल्दार र प्रहरी जवानको सहभागिता रहेको छ ।

प्रहरी बरिष्ठ हवल्दार, हवल्दार, प्रहरी सहायक हवल्दार र प्रहरी जवानहरु लक्षित विशेष घुम्ति प्रशिक्षण तालिम अन्तर्गत सो तालिम सञ्चालन गरिएको जिल्ला प्रहरी कार्यालय अछामले जनाएको छ ।

राष्ट्रिय प्रहरी प्रशिक्षण प्रतिष्ठान महाराजगंज काठमाडौंको तत्वावधानमा सो तालिम सुरु गरिएको बताइएको छ ।