काठमाडौं । नेपाली कांग्रेसले बालकुमारी घटनाको विषयमा उच्चस्तरीय छानबिन समिति गठन गर्न माग गरेको छ ।

केन्द्रीय कार्यसमितिको बैठकले उच्चस्तरीय छानबिन समिति गठनको निर्णय गरेको हो ।

बैठकले बालकुमारी घटनाको छानबिन गर्नका लागि न्यायिक समिति गठन गर्नुपर्ने निर्णयसहित सरकारसँग माग गरेको छ ।

उच्चस्तरिय न्यायिक छानविन समिति गठन गरि घटनाको सत्य तथ्य पत्ता लगाई दोषीलाई कानूनी कार्वाही गर्ने बैठकले माग गरेको छ ।

रोजगारीकै लागि विदेश जाने प्रक्रिया सम्बन्धी विवादवाट उत्पन्न आन्दोलनमा ज्यान गुमाएका परिवारका कम्तीमा एकजना सदस्यलाई स्वदेशमै उचित रोजगारी प्रदान गर्ने कांग्रेले भनेको छ ।

मृतकका परिवारलाई उचित क्षतिपूर्ति उपलव्ध गराउन र घाइतेको निःशुल्क उपचार गर्ने पनि बैठकले माग गरेको छ ।