काठमाडौं । प्रधानमन्त्री कप महिला राष्ट्रिय क्रिकेट प्रतियोगिताको पहिलो क्वालिफायर आज हुँदैछ ।

कीर्तिपुर मैदानमा आज बिहान साढे ९ बजे हुने खेलमा अपराजित टोली एपीएफले कोशी प्रदेशसँग खेल्न लागेको हो ।

कोशी ७ खेलमा ६ खेलमा अपराजित रहँदै १२ अंकसहित दोस्रो स्थानमा रहँदै क्वालिफायरमा स्थान बनाएको हो। समूह चरणको खेलमा कोशी एपीएफसँग पराजित भएको थियो। एपीएफ ७ खेलसम्म अपराजित छ।

आजको विजेता टोली फाइनलमा प्रवेश गर्नेछ भने पराजित टोलीले बागमती र सुदूरपश्चिमको विजेतासँँग दोस्रो क्वालिफायर खेल्नेछ।

आजै हुने एलिमिनेटरमा सुदूरपश्चिम र बागमती आमनेसामने हुनेछन् । यी दुईको खेल दिउँसो सवा १ बजे मुलपानी मैदानमा हुनेछ।