काठमाडौं । नेपाल सुपर लिग (एनएसएल) को दोस्रो संस्करणको उपाधि ललितपुर सिटी एफसीले हात पारेको छ ।

साविक विजेता धनगढी एफसीलाई ३–२ गोल अन्तरले हराउँदै ललितपुरले उपाधि जितेको हो ।

गत सिजन एलिमिनेटरबाट नै बाहिरिएको ललितपुरले फाइनल पुगेको वर्ष नै उपाधि जितेको हो । यता लगातार दोस्रो पटक फाइनल खेलेको धनगढी दोस्रो पटक पनि उपविजेतामा चित्त बुझाउन बाध्य भयो ।

उपाधिसँगै ललितपुरले ७० लाख रुपैयाँ प्राप्त गरेको छ । उपविजेता धनगढीले भने २० लाख रुपैयाँमा चित्त बुझायो ।