रुपन्देही । रुपन्देहीमा एक बालिकाको हत्या भएको छ ।

रुपन्देहीको मर्चवारी गाउँपालिका–१ इस्लामपुरमा स्थानीय सात वर्षीया नन्दनी कुर्मीको हत्या भएको हो ।

उनको शव मर्चवारी–१ इस्लामपुरमा आज फेला परेको छ । कुर्मी शुक्रबारदेखि हराइरहेकी थिइन् ।

कुर्मीको हत्या भएको प्रारम्भिक अनुसन्धानबाट खुलेको जिल्ला प्रहरी कार्यालय रुपन्देहीले जनाएको छ ।

हत्यामा संलग्न रहेको आशङ्कमा प्रहरीले एक जनालाई नियन्त्रणमा लिएको छ ।