रुपन्देही । रुपन्देही प्रहरीले विभिन्न समयमा चोरी भएका २३ वटा मोटरसाइकल बरामद गरी सार्वजनिक गरेको छ ।

जिल्ला प्रहरी कार्यालय रुपन्देहीले पत्रकार सम्मेलन मार्फत संलग्न ८ जना शंकास्पद व्यक्तिसहित २३ वटा मोटरसाइकल सार्वजनिक गरेको हो ।

त्यस्तै दुई वटा फोर्ड इको स्पोर्ट नामक गाडीको एउटै इन्जिन नम्बर देखिएकाले तिलोत्तमा नगरपालिका–२ जानकी नगर स्थित श्रीनगर अटो ग्यारेजबाट नियन्त्रणमा लिएको छ ।

रुपन्देहीको सिद्धार्थनगर नगरपालिका–११ भैरहवा बाट चोर गिरोहले एकैरातमा ८ वटा मोटरसाइकल चोरी गरेपछि खोजतलास गर्ने क्रममा अन्य मोटरसाइकल पनि बरामद भएको प्रहरीले जनाएको छ ।