बुटवल । संस्कृति, पर्यटन तथा नागरिक उड्ययनमन्त्री सुदन किरातीको बुटवलमा पुत्ला दहन भएको छ ।

केही दिनअघि मन्त्री किरातीले दिएको अभिव्यक्तिविरूद्ध सनातन धार्मिक अगुवाहरूले अस्पताल लाइनमा मसाल जुलुस प्रदर्शन गर्दै पुत्ला दहन गरेका हुन् ।

गत पुस ५ गते काठमाडौंमा भएको क्रिसमस महोत्सवमा मन्त्री किरातीले क्रिश्चियनलाई मान्दिनँ भन्नु संविधान नमान्नु सरह भएको र संविधान मान्दिनँ भन्नेहरू देशद्रोही भएको अभिव्यक्ति दिएका थिए ।

उक्त अभिव्यक्तिपछि मन्त्री किरातीको चौतर्फी आलोचना भइरहेको छ ।

वर्षौंदेखि मिलेर बसेका जातजाति, भाषाभाषी र धर्मावलम्बीहरूका बीचमा मन्त्री किरातीको अभिव्यक्तिले वैमनश्यता ल्याएको भन्दै मन्त्री पदबाट राजीनामा दिनुपर्ने उनीहरुको माग छ ।