तनहुँ । नेपाली कांग्रेसका सभापति शेरबहादुर देउवाले पार्टीले टिकट वितरणमा पूर्ण रूपमा न्याय गर्ने बताएका छन् ।

नेपाली कांग्रेस तनहुँले निर्माण गरेको बिपी स्मृति भवनको आज उद्घाटन तथा कांग्रेसको जिल्ला अधिवेशनको उद्घाटन गर्दै उनले पार्टीभित्र पूर्णरुपमा न्याय हुने बताएका हुन् ।

उनले भने, “पार्टीभित्र पूर्णरुपमा न्याय हुन्छ, हिजो नपाएकाहरूले आज पाउँछ, आज नपाउनेले भोलि टिकट पाउँछ ।” उनले बैमनश्यता त्यागेर पार्टीभित्र एकता हुन आवश्यक रहेको बताए ।

एकतालाई बलियो बनाउन पनि आगामी दिनमा टिकट वितरणमा न्याय गरिने उनको भनाई छ ।