एजेन्सी । अभिनेता प्रभास स्टारर भारतीय फिल्म ‘सलार’ले तीन दिनमा विश्वभरबाट ४०० करोड भारु कमाइ गरेर इतिहास रचेको छ।

दुई दिनमा झण्डै ३ सय करोड भारु (२९५.७ करोड भारु ) कलेक्सन गरेको सलारले आइतबार पनि उत्कृष्ट व्यापार गरेको हो ।

शुक्रबार पहिलो दिन विश्वब्यापी १७८.७ करोड भारुको डेब्यु गरेको फिल्मले शनिबार ११७ करोड र आइतबार १०४.३ करोड भारु कमायो ।

यो फिल्मले तीन दिनमा हिन्दी संस्करणमा भने ६१ करोड कमायो । तीन दिनमा भारतको कलेक्सन २०८ करोड भारु छ ।

‘सलार’ले शुक्रबार भारतमा ९०.७ करोड भारु, शनिबार ५६.३५ करोड र आइतबार ६१ करोड भारु कमायो ।

फिल्मले ‘क्रिसमस’मा राम्रो व्यापार गर्ने अपेक्षा व्यापार विज्ञले गरेका छन् । फिल्मले ‘वर्ड अफ माउथ’ पब्लिसिटीबाट निकै फाइदा उठाइरहेको छ ।

आइतबार फिल्मको हिन्दी संस्करणको अकुपेन्सी ४९.६७ प्रतिशत थियो ।