काठमाडौं । नेकपा (माओवादी केन्द्र) का सांसद देवेन्द्र पौडेलले निजामती कर्मचारीको भन्दा शिक्षकको तलब बढी हुनुपर्ने बताएका छन् ।

आज आइतबार प्रतिनिधि सभाअन्तर्गतको शिक्षा, स्वास्थ्य तथा सूचना प्रविधि समितिको बैठकमा सांसद पौडेलले यस्तो बताएका हुन् ।

उनले शिक्षकको तलब एक रुपैयाँले भए पनि कर्मचारीको भन्दा बढी हुनुपर्ने बताए ।

उनले विद्यालय बनाउने जिम्मेवारी शिक्षकको भएको भन्दै शिक्षक खुशी भएर विद्यालय नगएसम्म र राम्रो सेवा सुविधा नपाएसम्म उनीहरूले सङ्गठनात्मक गतिविधि गरिरहने बताए ।

त्यसो हुँदा शिक्षण सिकाइमा स्तरीयता पनि नहुने उनको भनाई छ ।