धनुषा । धनुषा प्रहरीको हिरासतमा गए राति एक जनाको मृत्यु भएको छ ।

धनुषाको हंसपुर नगरपालिकास्थित इलाका प्रहरी कार्यालयको हिरासतमा रहेका स्थानीय दीपनारायण मण्डलको मृत्यु भएको हो।

प्रहरीले कुटपिट गर्दा मृत्यु भएको भन्दै बिहानैदेखि स्थानीयले प्रदर्शन गरेका छन् ।

आक्रोशितले समूहले इलाका प्रहरी कार्यालयमा ढुंगामुढासमेत गरेका छन् ।

स्थिति नियन्त्रणमा लिन केही राउण्ड हवाई फायर गरिएको छ।

त्यस क्रममा गोली लागेर एकजना घाइते भएका छन् । स्थानीय शंकर मण्डल घाइते भएका हुन् ।