काठमाडौं । नेपाल सुपर लिग (एनएसएल) मा वीरगञ्ज युनाइटेड एफसीले काठमाडौं रेजर्स एफसीलाई पराजित गरेको छ ।

बिहीवार त्रिपुरेश्वरको दशरथ रङ्गशालामा भएको खेलमा वीरगञ्जले काठमाण्डौलाई ४–१ गोलले पराजित गरेको हो । पहिलो हाफ १–१ को बराबरीमा सकिएकोमा दोस्रो हाफमा वीरगञ्जले ३ गोल गर्‍यो ।

वीरगञ्जको जितमा विलियम ओपोकुले ह्याट्रिक गरे भने सुनिल खड्का एक गोल गरे । यस्तै काठमाडौंका जुनिएर ओन्गुइनले एक गोल गरे ।

यो जितसँगै वीरगञ्जले ७ खेलमा ८ अङ्क जोड्दै तालिकाको छैटौँ स्थानमा उक्लिएको छ । वीरगञ्जले प्लेअफमा पुग्ने सम्भावना कायमै राखेको छ । ७ खेलमा ९ अङ्कसहित पाँचौँ स्थानमा रहेको काठमाण्डौको पनि प्लेअफ सम्भावना कायमै छ ।