काठमाडौं । नेपाल सुपर लिग (एनएसएल) मा धनगढी एफसी र काठमाडौं रेजर्स एफसीले बराबरी खेलेका छन् ।

सोमबार त्रिपुरेश्वरको दशरथ रङ्गशालामा भएको खेलमा धनगढी र काठमाण्डौले १–१ गोलको बराबरी खेलेका हुन् ।

धनगढीका लागि १४ औँ मिनेटमा अहमद हिजाजीले गोल गरे । यस्तै काठमाडौंका लागि ६६ औँ मिनेटमा किङ्गे ओलिभरले गोल फर्काए । त्यसपछि दुवै टोलीबाट गोल हुन नसकेपछि १–१ अङ्क बाँडे ।

यो बराबरीसँगै धनगढीले ६ खेलमा १२ अङ्क जोडेको छ । प्रतियोगितामा अपराजित रहेको धनगढी शीर्ष स्थानमा यथावत् छ । काठमाडौं ६ खेलमा ९ अङ्कसहित चौथो स्थानमा छ ।