धनगढी । सुदूरपश्चिम महोत्सवमा नायक पल शाहको ब्रासलेट हराएको छ । स्रोतका अनुसार धनगढीमा शनिबार प्रस्तुति दिएका शाहको करिब ३ तोलाको सुनको ब्रासलेट हराएको हो ।

स्टेज प्रस्तुतिका क्रममा उनकै फ्यानहरुले हात तानेर ब्रासलेट खोसेको बताइएको छ । तर कसले खोस्यो भन्ने बारेमा खुलेको छैन् ।

ब्रासलेट खोज्न सिसिटिभी हेरिए पनि अहिलेसम्म फेला नपरेको महोत्सवका सांस्कृतिक संयोजक मिलन कुँवरले जानकारी दिए ।

उद्योग वाणिज्य महासङ्घ कैलालीले आयोजना गरेको महोत्सवमा हिजोमात्रै १ लाख बढी दर्शक अवलोकन गरेको दाबी गरिएको छ ।