काभ्रे । अवैध रुपमा ल्याएको ४०१ बोरा प्याज प्रहरीले काभ्रेभन्ज्याङबाट बरामद गरेको छ ।

जिल्ला प्रहरी काभ्रेका अनुसार आइतबार दिउँसो बीपी राजमार्गअर्न्तगत धुलिखेल नगरपालिका–९ काभ्रेभन्ज्याङमा सवारी जाँच गर्ने क्रममा ४०१ बोरा प्याज बरामद गरिएको हो ।

काभ्रेभन्ज्याङ चेकपोष्ट अगाडि सवारी जाँच गर्ने क्रममा पूर्वबाट आएको पुरानो बिलसहित अवैध रुपमा ल्याइएको ४ वटा टाटा योद्धा गाडी र ३ वटा बोलेरो गाडीमा ४ सय १ थान बोरा (प्रतिबोरा ४० किलोको दरले १६ हजार ४० किलो) प्याज बरामद गरिएको काभ्रे प्रहरीले जनाएको छ ।

बरामद प्याज राजस्व अनुसन्धान विभाग ललितपुर पठाइएको छ ।