काठमाडौं । नेपाल सुपर लिग (एनएसएल) मा ललितपुर सिटी एफसी र झापा एफसीबीचको खेल गोलरहित बराबरीमा सकिएको छ ।

शुक्रबार त्रिपुरेश्वरस्थित दशरथ रंगशालामा सम्पन्न खेलमा झापासँग गोलरहित बराबरी खेल्दै ललितपुरले अंक बाँडेको हो । ललितपुरले तालिकाको शीर्ष स्थानमा पुग्ने मौका गुमायो ।

ललितपुर ६ खेलमा १० अङ्कसहित तालिकाको दोस्रो स्थानमा यथावत् छ । झापा ६ खेलमा ७ अङ्कसहित तालिकाको पाँचौँ स्थानमा उक्लेको छ ।

प्रतियोगितामा भोलि शनिवार दशरथ रङ्गशालामा २ वटा खेल हुँदैछ । पहिलो खेलमा दिउँसो १ बजे पोखरा थन्डर्स र वीरगञ्ज युनाइटेड एफसी खेल्नेछन् भने दोस्रो खेलमा बेलुकी ५ बजे स्पोर्टिङ इलाम एफसी र एफसी चितवन खेल्नेछन् ।