काठमाडौं । ‘कबड्डी’ फेम्ड निर्देशक रामबाबु गुरुङले आगामी फिल्म ‘डिग्री माइला’को दोस्रो चरणको छायांकन थालेका छन् ।

चिसो मौसममा खिच्नुपर्ने भएकाले निर्माताले एक महिना जति छायांकन रोकेका थिए । गीत छायांकनसँगै ‘डिग्री माइला’ले पुनः गति लिएको हो ।

दयाहाङ राई र आँचल शर्माले बिहीवारदेखि नै सेट ज्वाइन गरेका छन् । आउने सातादेखि कथा छायांकन गर्ने सेड्युल रहेको छ ।

मंसिर अन्त्यसम्म स्वास्थ्य लाभ गरिरहेका अभिनेता प्रकाश घिमिरे पनि सेटमा फर्कने तयारीमा छन्।

यो नाटकलाई मण्डलामा तीन पटक मञ्चन गरिएको थियो । वैशाख १ गते रिलिजको योजना रहेको फिल्ममा अधिकांश कलाकार ‘कबड्डी’ फिल्मकै छन्।

जसमा माओत्से गुरुङ, पुष्कर गुरुङ, विजय बराल, प्रकाश घिमिरे लगायत छन् । बाँसुरी फिल्म्सको ब्यानरमा फिल्म निर्माण भइरहेको हो ।