काठमाडौं । नेपाल सुपर लिग (एनएसएल) मा ललितपुर सिटी एफसी र वीरगञ्ज युनाइटेडले बराबरी खेलेका छन् । मङ्गलवार त्रिपुरेश्वरको दशरथ रङ्गशालामा भएको खेलमा ललितपुर र वीरगञ्जले २–२ गोलको बराबरी खेलेका हुन् ।

बुटवलका विलियम ओपोकुले १० औँ र कृप कान्त महतोले ५२ औँ मिनेटमा गोल गरे । ललितपुरका इमोह इजिकिएलले १४ औँ र निखिल सुरेशरावले २८ औँ मिनेटमा गोल गरे ।

यो बराबरीसँगै वीरञ्जले एनएसलमा पहिलो अङ्क जोडेको छ । शुरुका २ खेल हारेको वीरगञ्जले आज ललितपुरसँग अङ्क बाँड्यो । वीरगञ्ज अङ्क तालिकाको पुछारमा छ ।

यो बराबरीसँगै ललितपुरले शीर्ष स्थानमा उक्लिने मौका गुमाएको छ । ललितपुर ४ खेलमा ६ अङ्कसहित दोस्रो स्थानमा छ । लिगमा बुधबार स्पोर्टिङ इलाम एफसी र पोखरा थन्डर्स भिड्नेछन् । सो खेल साँझ ५ बजे सुरु हुनेछ।