काठमाडौं । नेपाल सुपर लिग (एनएसएल) को दोस्रो संस्करणमा आज स्पोर्टिङ इलाम डे मेची एफसी र एफसी बुटवल लुम्बिनी भिड्दै छन् ।

त्रिपुरेश्वरस्थित दशरथ रंगशालामा हुने खेल बेलुका ५ः३० बजेदेखि सुरु हुनेछ । प्रतियोगितामा दुवै टिमको यो तेस्रो खेल हो ।

स्पोर्टिङ इलाम यसअघि पहिलो खेलमा काठमाडौं रेजर्ससँग १–० ले पराजित हुँदा दोस्रो खेलमा झापा एफसीलाई १–० ले हराएको थियो ।

यता, बुटवल लुम्बिनी भने पहिलो खेलमा धनगढी एफसीसँग १–० ले र दोस्रो खेलमा ललितपुर सिटी एफसीविरुद्ध २–० ले पराजित भएको थियो । मंसिर ८ गतेदेखि सुरु भएको प्रतियोगितामा नौ टिमको सहभागिता छ ।