धनुषा । नेपाली काँग्रेसका केन्द्रीय सदस्य बिमलेन्द्र निधिले संघीय सरकारले सातवटै प्रदेशलाई प्रहरी र कर्मचारी राख्ने अधिकार दिनुपर्ने बताएका छन् ।

मधेश प्रदेशको राजधानी जनकपुरधाममा बेलायती ब्रान्डको बेलाको होम अप्लायन्सेसको शाखा विस्तार कार्यक्रमलाई सम्बोधन गर्दै उनले यस्तो बताएका हुन् ।

उनले संघीयतालाई सवल बनाउन प्रदेशहरुलाई प्रहरी र कर्मचारी राख्ने अधिकार दिनुपर्ने बताए ।

संविधानमा प्रदेशको आफनै कर्मचारी र प्रहरी रहने भनी प्रष्ट व्यवस्था हुँदाहुँदै पनि प्रदेश गठन भएको ६ वर्षभन्दा बढी समय हुँदा पनि प्रहरी र कर्मचारी प्रदेशको जिम्मामा नआउनुले धेरैजसो काम गर्न प्रदेशलाई समस्या भएको उनको भनाई छ ।