काठमाडौं । युरोपेली च्याम्पियन्स लिगअन्तरगत गएराति भएको खेलमा पीएसजी र न्युक्यासल युनाइटेडले बराबरी खेलेका छन् ।

पीएसजीको घरेलु मैदानमा भएको खेल १-१ को बराबरीमा सकिएको हो । इन्ज्युरी समयको आठौं मिनेटमा कीलियन एम्बाप्पेले पेनाल्टीमा गोल गर्दै पीएसजीलाई हारबाट जोगाएका हुन् ।

यसअघि २४औं मिनेटमा न्युक्यासलले अलेकज्यान्डर ईसाकको गोलमा अग्रता लिएको थियो ।

बराबरीसँगै पीएसजी अंक तालिकाको दोस्रो स्थानमा उक्लिएको छ ।