काठमाडौं । काठमाडौं जिल्ला अदालतले कमेडियन अपूर्व क्षितिज सिंहलाई नेवार समुदायप्रति दिएको अभिव्यक्तिका सम्बन्धमा दोषी ठहर गरेको छ । जातीय भेदभाव तथा छुवाछूत र सार्वजनिक शान्तिविरुद्धको अभियोगमा अदालतले कमेडियन सिंहलाई दोषी ठहर गरेको हो ।

एक जातीय समूहको कला, संस्कृति, लजवलाई लिएर अपमानजनक रुपमा व्यंग्य गरेको आरोप लागेको थियो । काठमाडौं जिल्ला अदालतका न्यायाधीश कपिलमणि गौतमको इजलासले सार्वजनिक शान्तिविरुद्ध र जातीय भेदभाव तथा छुवाछूतसम्बन्धी, सामाजिक रीतिस्थितिमा खललसम्बन्धी कसुरमा अपूर्व क्षितिलाई दोषी ठहर गर्दै जरिवाना गरेको हो ।

पृथविन्दु महर्जनलगायतले दायर गरेको रिट निवेदनमा क्षितिलाई मुलुकी अपराध संहिताको दफा १६५ बमोजिम १० हजार जरिवाना गरिएको हो ।

स्ट्यान्ड अप कमेडी गर्ने क्रममा नेवारी लवज र जातीलाई व्यंग्य गरिएको भन्दै अपूर्व क्षितिजविरुद्ध उजुरी परेको थियो । त्यसपछि उनलाई प्रहरीले २०७९ भदौ दोस्रो साता पक्राउ परेका थिए । उनलाई त्यतिबेला २ लाख धरौटीमा छोडिएको थियो ।