गुल्मी । गुल्मीमा १५ वर्षीया बालिकाको बलात्कारपछि हत्या गर्ने एक युवक पुर्पक्षको लागि कारागार चलान भएका छन् ।

चन्द्रकोट गाउँपालिका-४ शान्तिपुरकी १५ वर्षीया मनिषा रुचालको बलात्कारपछि हत्या गर्ने बाँकेको खजुरा गाउँपालिका-७ का रहिस खाँलाई पुर्पक्षको लागि कारागार चलान गरिएको हो ।

खाँलाई मंसिर ११ गते जिल्ला अदालत गुल्मीको थुनछेक बहसले पुर्पक्षको लागि जेल चलान गरेको जिल्ला प्रहरी कार्यालय गुल्मीले जनाएको छ । कारागार चलान भएका खाँ मदरसा गुल्सने मदिनाका प्रशिक्षक थिए ।

बालिकाको गत कार्तिक १७ गते बिहान ६ बजे शान्तिपुर बजार नजिकैको हुग्दी खोलाको किनारामा नग्न शव भेटिएको थियो । जेल चलान भएका खाँ जबरजस्ती करणी र कर्तव्य ज्यान सम्बन्धी मुद्दा दर्ता भएको जिल्ला प्रहरी कार्यालय गुल्मीले जनाएको छ ।