काठमाडौं । नेपाल सुपर लिग (एनएसएल) फुटबल प्रतियोगितामा ललितपुर एफसीले विजयी सुरुवात गरेको छ ।

शनिबार साँझ दशरथ रंगशालामा भएको खेलमा ललितपुरले बुटवल लुम्बिनी एफसीलाई २-० गोलले पराजित गरेको हो ।

ललितपुरका लागि दिनेश हेन्जन र कप्तान अनन्त तामाङले गोल गरे । ललितपुरले दुवै गोल पहिलो हाफमै गरेको थियो ।

यस्तै एनएसएल अन्तर्गत नै शनिबार भएको पहिलो खेलमा पोखरा थन्डर्सले एफसी चितवनलाई १(० ले पराजित गरेको थियो ।