काठमाडौं । नेपाली र भारतीय सेनाबीच संयुक्त सैन्य अभ्यास सूर्यकिरण–१७औँ शृङ्खला आजदेखि भारतको उत्तराखण्डस्थित पिथौरागढमा सुरु भएको छ ।

सैन्य अभ्यासमा नेपाली सेनाका ३३४ जना र भारतीय सेनाका ३५४ जना सहभागी छन् ।

भारतको रक्षा मन्त्रालयका अनुसार नेपाली सेनाको नेतृत्व प्रमुख सेनानी सुवास केसीले गरिरहेका छन् भने भारतीय सेनाको कुमाओन रेजिमेन्टका एक बटालियनले गरिरहेका छन् ।

मंसिर २१ सम्म चल्ने संयुक्त सैन्य अभ्यास प्रति विद्रोह, प्रति आतंकवाद युद्धकला, र विपद् व्यवस्थापनमा केन्द्रित हुने बताइएको छ ।