काठमाडौं । कतारका विदेश राज्यमन्त्री सोल्तान बिन साद अल–मुराइखी दुई दिने औपचारिक भ्रमणमा नेपाल आउँदै छन् ।

परराष्ट्र मन्त्रालयका अनुसार उनी भ्रमणका लागि आज साँझ ५ बजे नेपाल आइपुग्न लागेका हुन् ।

मन्त्रालयले प्रेस विज्ञप्तिमार्फत दुई दिनका लागि नेपाल आउन लागेका विदेश राज्यमन्त्री सोल्तानले प्रधानमन्त्री पुष्पकमल दाहाललाई भेट्ने कार्यक्रम रहेको जनाएको छ ।

उनले भोलि प्रधानमन्त्री र परराष्ट्रमन्त्रीसँग भेट गर्ने कार्यक्रम रहेको मन्त्रालयले जनाएको छ। यस्तै उनले परराष्ट्र सचिव भरतराज पौड्यालसँग दुईपक्षीय वार्ता गर्नेछन् । उनी भोलि नै कतार फर्किने कार्यक्रम छ ।