काठमाडौं । झापामा ९ वर्षीया बालिकामाथि बलात्कार भएको छ ।

बलात्कार आरोपमा एक युवक पक्राउ परेका छन् । पक्राउ पर्नेमा मेचीनगर नगरपालिका–३ बस्ने इलामको रोङ गाउँपालिका–६ का २० वर्षीय दिपेश प्रधान रहेका छन् ।

उनलाई मंगलबार दिउँसो प्रहरीले पक्राउ गरेको हो ।

प्रधानले ती बालिकालाई सोमबार राति सोही नगरपालिका–३, किरात मार्ग टोलस्थित सुपाडी बगानभित्र झाडीमा बलात्कार गरेको प्रहरीले जनाएको छ ।

बलात्कार गरेको भन्ने उजुरीका आधारमा इलाका प्रहरी कार्यालय काँकरभिट्टाबाट खटिएको प्रहरीले युवकलाई पक्राउ गरेको जनाइएको छ ।