दाङ । दाङको तुलसीपुरमा बन्द कोठाभित्र सहोदर दाजुभाइ मृत अवस्थामा फेला परेका छन् ।

तुलसीपुर उपमहानगरपालिका वडा नम्बर १६ डोक्रेना घर भई तुलसीपुर– ६ गाइडहरमा कोठा भाडामा बस्दै आएका ३४ वर्षीय पूर्णबहादुर बस्नेत र उनका भाइ ३० वर्षीय टेकबहादुर बस्नेत कोठाभित्र मृत अवस्थामा फेला परेका हुन् ।

आज बेलुकी ६ बजेतिर उनीहरू कोठामा मृत अवस्थामा फेला परेको इलाका प्रहरी कार्यालय तुलसीपुरले जनाएको छ ।

प्रारम्भिक रूपमा दाजुभाइले विषादी सेवन गरी आत्महत्या गरेको हुनसक्ने प्रहरीको आशंका छ । प्रहरीले थप अनुसन्धान थालेको छ ।