काठमाडौं । प्रहरीको  लागूऔषध नियन्त्रण ब्यूरोले त्रिभुवन अन्‍तर्राष्ट्रिय विमानस्थलबाट एक भारतीय नागरिकलाई कोकिनसहित पक्राउ गरेको छ।

कतारको दोहाबाट काठमाडौं आएको जहाजकी एक जना यात्रुको साथबाट झन्डै दुई किलो कोकिन बरामद गरेको हो ।

ब्यूरोको टोलीले सोमबार बिहान १० बजेतिर भारतीय राहदानी बाहक ३२ वर्षकी किमरोसांगीलाई सोमबार राति पौने १२ बजे पक्राउ गरेको थियो ।

हिमालय एयरलाइन्सको उडानबाट काठमाडौं अवतरण गरेकी उनको लगेज खानतलासी गर्दा सुटकेसको माथिल्लो भागमा फल्स बटम बनाई प्लास्टिकको प्याकेटमा कोकिन लुकाएको भेटिएको थियो ।

किमरोको साथबाट प्रहरीले एक किलो नौ सय ७३ ग्राम कोकिन बरामद गरेको छ। काठमाडौं आएकी उनी भुटान जाने तयारीमा थिइन्। प्रहरीले यसबारे थप अनुसन्धान अघि बढाएको छ।