बाँके । बाँकेको नरैनापुरमा एक जना पुरुष मृत अवस्थामा फेला परेका छन् ।

नरैनापुर गाउँपालिका वार्ड नम्बर–३ गेगलीनजिक रहेको कल्भर्टमुनि जमेको पानीमा डुबेको अवस्थामा अन्दाजी ५० वर्षीय पहिचान नखुलेको एक पुरुषको शव फेला परेको हो ।

बिहीबार दिउँसो फेला परेको शवलाई पोस्टमार्टमका लागि भेरी अस्पताल नेपालगन्ज पठाइएको छ ।

घटनाको बारेमा अनुसन्धान सुरु गरिएको इलाका प्रहरी कार्यालय भगवानपुरले जनाएको छ ।