गाजा । गाजा सहरको एउटा विद्यालयमा शुक्रबार भएको आक्रमणमा परी करिब ५० जनाको मृत्यु भएको छ ।

अलसिफा अस्पतालका निर्देशकका अनुसार गाजाको अल-नासर नजिकै रहेको अल-बुराक स्कुल आसपासबाट आज बिहान स्कुललाई लक्षित गरी क्षेप्यास्त्र र तोपखानाले आक्रमण गरिएको थियो ।

आक्रमणपछि करिब ५० जना मारिएको अस्पतालका निर्देशक मोहम्मद अबु सल्मियाले जानकारी दिए ।

मृतकको सङ्ख्या तत्काल पुष्टि गर्न नसकिएको बताइएको छ ।