काठमाडौं । नेपाली बजारमा आज सुनको मूल्य तोलमा एक हजार रुपैयाँले बढ्दै १ लाख १४ हजार ७ सय रुपैयाँ पुगेको छ ।

अघिल्लो दिन प्रतितोला १ लाख १३ हजार ७ सय रुपैयाँमा कारोबार भएको छापावाला सुनको मूल्य आज एकैदिन एक हजार रुपैयाँले बढ्न पुगेको हो ।

यस्तै तेजाबी सुनको मूल्य समेत आज तोलामा एक हजार रुपैयाँले नै बढ्दै १ लाख १४ हजार १ सय ५० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

यता चाँदीको मूल्य पनि आज तोलामा २० रुपैयाँले बढ्दै १ हजार ४ सय रुपैयाँ पुगेको महासंघले जनाएको छ ।

उसो त आज धनतेरसका दिन सुनचाँदी, असर्फीको कारोबार धेरै हुने हुँदा पनि मूल्य बढेको हो ।

आज सुनचाँदीको असर्फी गृह प्रवेश गराउँदा धन बढ्ने र फलिफाप हुने धार्मिक विश्वास छ ।