नुवाकोट । नुवाकोटको आप्रहबाट चिनी र युरिया मल बरामद भएको छ । जिल्ला प्रहरी कार्यालय नुवाकोटले चालक र गाडीलाई नियन्त्रणमा लिएको हो ।

पन्चकन्या गाउँपालिका २ कबिलासको आप्रहमा ग१ख ९१४६ नं. को आइचर ट्रकले ठोरी पर्साबाट अवैधरूपमा ल्याएको चिनी र युरिया मल विक्री वितरण गर्दै गरेको सूचना आएपछि प्रहरीले २६ बोरा चिनी, अवैध युरिया मल १ बोरासहित नियन्त्रणमा लिएको हो ।

इलाका प्रहरी कार्यालय खरानीटारबाट खटिएको प्रहरी टोलीले अवैध चिनी र मलसहित उक्त गाडी र चालक दीपेश मानन्धरलाई नियन्त्रणमा लिइएको प्रहरीले जनाएको छ ।

सो बरामद चिनी १३ क्विन्टल रहेको प्रहरीले जनाएको छ । बरामद सामान, गाडी र सवारी चालकलाई आवश्यक कारबाहीको लागि राजश्व अनुसन्धान विभाग हरिहरभवन ललितपुर पठाइएको छ ।