काठमाडौं । प्रहरीले स्रोत नखुलेको नगद २६ लाख ५७ हजार रूपैयाँसहित दुई जनालाई प्रकाउ गरेको छ ।

पक्राउ पर्नेमा बर्दिया गेरूवा गाउँपालिका-२ घर भई हाल काठमाडौं जडिबुटी बस्ने २८ वर्षीय पुष्प सोडारी र काठमाडौं महानगरपालिका-१० बिजुलीबजार बस्ने ३९ वर्षीय अभिषेक अग्रवाल रहेका छन् ।

प्रहरी वृत्त जनसेवाबाट खटिएको प्रहरीले सोडारीलाई उक्त रकमसहित काठमाडौं महानगरपालिका २४ इन्द्रचोकबाट पक्राउ गरेको थियो ।

थप अनुसन्धानको क्रममा उक्त रकम अभिषेकबाट लिएको भनी खुल्न आएपछि अभिषेकलाई पनि प्रहरीले पक्राउ गरेको हो । घटनाबारे प्रहरीले आवश्यक अनुसन्धान गरिरहेको छ ।