गुल्मी । गुल्मीमा गत शुक्रबार मृत फेला परेकी किशोरीको बलात्कारपछि हत्या भएको प्रहरी अनुसन्धानबाट खुलेको छ ।

हत्या आरोपमा प्रहरीले बाँके खजुरा गाउँपालिका-७ घर भई चन्द्रकोट बस्ने २३ वर्षीय रहिस खाँलाई पक्राउ गरेको हो।

शुक्रबार बिहान चन्द्रकोट-४ हुग्दी खोलामा १५ वर्षीया किशोरीको शव फेला परेको थियो ।

जिल्ला प्रहरी कार्यालय गुल्मीका अनुसार किशोरीमाथि बलात्कारसमेत भएको जनाएको छ ।

किशोरीको घाँटी थिचेर हत्या भएको अनुसन्धानबाट खुलेको छ ।