काठमाडौं । यू–१९ एसिया कपमा छनोट भएको नेपाली टोलीका सम्पूर्ण खेलाडीले जनही ५० हजार रुपैयाँ पुरस्कार पाउने भएका छन् ।

सोमबार बसेको नेपाल क्रिकेट संघ (क्यान) को केन्द्रीय कार्यसमिति बैठकले यू–१९ राष्ट्रिय क्रिकेट टोलीका सम्पूर्ण सदस्यलाई प्रोत्साहनस्वरूप नगद पुरस्कार उपलब्ध गराउने निर्णय गरेको हो ।

गत कात्तिक ७ गते मलेसियामा युएईलाई पराजित गर्दै नेपालले एसिसी यू–१९ प्रिमियर कपको उपाधि जितेको थियो ।

यस्तै क्यानले विश्वकपमा छनोट भएको राष्ट्रिय क्रिकेट टोलीलाई प्रोत्साहन स्वरूप ५० लाख रुपैयाँ दिने भएको छ ।