काठमाडौं । नेपाली कांग्रेसका नेता शेखर कोइरालाले प्रधानमन्त्री पुष्पकमल दाहाल ‘प्रचण्ड’लाई भेटेका छन् ।

सोमबार बिहान कोइरालाले बालुवाटार पुगेर प्रधानमन्त्री प्रचण्डसँग कुराकानी गरेका हुन्।

प्रधानमन्त्री र नेता कोइरालाबीच समसामयिक राजनीतिक घटनाक्रमलगायत विषयमा कुराकानी भएको छ ।

प्रधानमन्त्रीले आइतबार नै कोइरालालाई भेट्न बोलाएका थिए।

प्रधानमन्त्री र कोइरालाको कार्यव्यस्तता भएपछि सोमबार भेटवार्ता गरिएको हो।