काठमाडौं । नेपाल नागरिक उड्डयन प्राधिकरणले भूकम्प पीडित राहत कोषका लागि १ करोड रुपैयाँ आर्थिक सहयोग गर्ने भएको छ ।

आइतबार एक सूचना जारी गर्दै प्राधिकरणले जाजरकोट तथा पश्चिम रुकुमका भूकम्प पीडितलाई सहयोग स्वरूप प्राधिकरणको दैवी प्रकोप उद्धार कोषमा १ करोड जम्मा गर्ने घोषणा गरेको हो ।

साथै नेपालगंज, सुर्खेत, रुकुम सल्ले तथा चौरजहारी विमानस्थलबाट राहतका लागि प्रयोग हुने वायुयानहरुको शुल्कमा सतप्रतिशत छुट दिने घोषणा समेत प्राधिकरणले गरेको छ।