काठमाडौं । बैकिङ कसुर मुद्दाका फरार दुई जनालाई प्रहरीले पक्राउ गरेको छ ।

पक्राउ पर्नेमा मकवानपुर हेटौंडा उपमहानगरपालिका १८ स्थायी घर भइ हाल काठमाडौं कलंकी बस्ने गणेशमान श्रेष्ठ र ललितपुर महालक्ष्मी नगरपालिका – ८ चागाथली बस्ने राम कुमार जैरु दमाई रहेका छन् ।

अम्बर बहादुर राईको जाहेरीमा बैकिङ कसुर मुद्दामा उच्च अदालत पाटन ललितपुरको मिति २०७९ चैत १६ गतेको फैसलाले सात दिन कैद र २० लाख रुपियाँ बिगो जरिवाना तोकी फरार रहेका श्रेष्ठलाई पक्राउ गरिएको काठमाडौं उपत्यका अपराध अनुसन्धान कार्यालयले जनाएको छ ।

प्रहरीले उनलाई चाबहिलबाट पक्राउ गरी आइतबार काठमाडौं जिल्ला अदालतमा उपस्थित गराएको छ ।

यसैगरी, जितेन्द्र बहादुर गलानको जाहेरीमा बैकिङ कसुर मुद्दाका फरार प्रतिवादी जैरुलाई प्रहरीले पक्राउ गरेको हो ।

प्रहरीका अनुसार उच्च अदालत पाटन ललितपुरको मिति २०७९ चैत १२ गतेको फैसलाले उनलाई एक दिन कैद र बिगो तीन लाख रुपियाँ जरिवाना तोकेको थियो ।