काठमाडौं । गायक सुगम पोखरेलले दर्शकलाई माइक प्रहार गरेका छन् । सांगीतिक कार्यक्रमको सिलसिलामा अष्ट्रेलियामा रहेका उनले दर्शकलाई माकइले हानेका हुन् ।

सुगमले दर्शकलाई माकइले हानेको भिडिओ अहिले सामाजिक सञ्जालमा भाइरल भइरहेको छ । अष्ट्रेलियामा आयोजना भएको एक सांकृतिक कार्यक्रममा गीत गाउन स्टेजमा उक्लिएका थिए गायक पोखरेल ।

उनी सुरुमा दर्शकसँग कुराकानी गरिरहेको सार्वजनिक भएको भिडियोमा देख्न सकिन्छ । दर्शकले उनलाई ‘झिल्के’ गीत गाउन आग्रह गरे । दर्शकलाई सुगमले नेपालमा भूकम्प गएको र १ सय ३३ जनाको निधन भएको भन्दै मौनधारण गर्न भने । सुगमले मौन धारण गर्न आग्रह गर्दा पनि दर्शकदिर्घामा भने हल्ला रोकिएन् ।

नेपालीहरुको निधन भएकाले मौन धारण गर्नका लागि उनले बारम्बार आग्रह गरे । तर पनि दर्शकमा हल्ला नरोकिएपछि सुगम आक्रोशित बनेको भिडिओमा हेर्न सकिन्छ । त्यसपछि उनी गीत गाउँदै स्टेजबाट तल झरेका थिए । लगत्तै उनले माइकले एक जना दर्शकलाई प्रहार गरेको हुन् । त्यसपछि उनलाई सुरक्षागार्डले समातेर स्टेज पछाडि लैजान खोजेका थिए तर सुगम फेरि स्टेज उक्लिएका थिए ।

स्टेज उक्लिएका उनले फेरि एक जना दर्शकलाई माइकले प्रहार गरे । त्यसपछि सो कार्यक्रममा तनाव सिर्जना भएको थियो । अहिले दर्शकलाई माइकले हानेका सुगमको सवैत्र आलोचना भइरहेको छ । यस्तै गायक सुगमले सामाजिक संजाल टिकटकमा एक भिडियो सार्वजनिक गर्दै कसै नेपाली मनलाई चित्त दुखाएको भए क्षमा चाहन्छु भनेका छन् ।