काठमाडौं । जाजरकोटलाई केन्द्रबिन्दु बनाएर गएराति गएको भूकम्पबाट जनधनको ठूलो क्षति भएको छ ।

गएरातिको ६.४ रेक्टरस्केलको भूकम्पका कारण घर भत्किँदा जाजरकोट र रुकुम पश्चिममा गरी १२८ जनाभन्दा बढीको मृत्यु भएको हो ।

जाजरकोटमा मात्रै अहिलेसम्म ९२ जनाको मृत्यु भएको छ । भूकम्पमा परि ५५ जना घाइते भएका छन्।

घाइतेहरुको स्थानीय अस्पतालमा उपचार भइरहेको छ। यस्तै हालसम्म सदरमुकाममा १०० र बाहिर २ हजार भौतिक संरचनामा ध्वस्त भएको प्रहरीले जनाएको छ ।

प्रधानमन्त्री पुष्पकमल दाहाल ‘प्रचण्ड’पनि भूकम्प प्रभावित क्षेत्रको वस्तुस्थिति बुझ्न त्यसतर्फ गएका छन्।