काठमाडौं । गएराति जाजरकोटलाई केन्द्रबिन्दु बनाएर गएको भूकम्पमा परी रुकुम पश्चिममा मृत्यु हुनेको संख्या ३६ पुगेको छ ।

सानोभेरी गाउँपालिकामा एकै घरका चारजनासहित अहिलेसम्म ३६ जनाको मृत्यु भएको हो ।

मृतकको संख्या अझै बढ्न सक्ने जिल्ला प्रहरी कार्यालय रुकुम पश्चिमले जनाएको छ । ८५ जना घाइते भएका प्रहरीले जानकारी दिएको छ ।

घाइतेहरूको स्थानीय अस्पताल र जिल्ला अस्पतालमा उपचार भइरहेको छ । जाजरकोट आसपासलाई केन्द्र बनाएर शुक्रबार मध्यराती गएको ६.४ म्याग्निच्युडको भूकम्प गएको थियो ।